TAKDANG pangunahan ni Mayor Ronnel Rivera ang usa ka multi-sector COVID-19 summit aron hisgutan ang pagpahalapad pa sa containment efforts sa LGU-GenSan batok COVID-19.
Tumong matud pa sa maong summit nga pakusgon pa ang suporta sa publiko ngadto sa pakigbatok sa gobyerno batok COVID-19.
Apilan ang maong summit sa medical community ug ubang stakeholders apil media, business sector ug uban pang grupo nga gasuporta sa mga pagpaningkamot sa syudad batok sa maong sakit.
Wala nabutyag sa mayor ang ensaktong petsa alang sa maong COVID-19 summit, apan gusto gayud matud pa makuha ang mga rekomendasyon gikan sa mga partisipante aron makatabang sa paghimo og mga lakang nga mapalambo pa ang COVID-19 initiative.
Lakip sa mga andam motabang sa pagpahigayon sa summit si Dr. Fidel
Peñamente, chapter president sa Philippine Medical Association sa General Santos City.
Una na usab gisogyot ni Peñamente ang kamahinungdanon sa maong summit alang sa pagpakunhod sa kaso sa COVID-19 sa GenSan.
