MAY nakaharang nga police o yellow line sa Lagao Police Station human nga usa ka priso ang nakitaan og sintomas sa COVID-19.
Adlaw nga Domingo atol sa Sunday Lockdown nakita sa Brigada Patrollers nga abli ang gate sa presento tres apan adunay nakaharang nga police line.
Sa impormasyon gikan sa labaw sa mao nga estasyon nga si PM Yol Hilado may sintomas ang usaka suspek ug adlaw nga Lunes ipa-swab sa Rural Health Unit ug hulaton pa nila ang resulta kon positibo o kaha negatibo sa virus.
Gidugang ni Hilado nga gipa-isolate na nila sa RHU ang priso nga nakitaan og sintomas,samtang isip prevention measure ilaha usab gibawal sa mga duaw ang pagsulod gawas sa presento hangtud nga wala pay resulta sa swab test.
Nagahulat pa usab ang presento tres og dugang instruction gikan kay Dr. Lalaine Calonzo. Kahibaluan nga dili palang dugay nga gi-ablihan ang presento dos human nga gilockdown gumikan sa mga priso nga nag positibo sa COVID-19 ug nahuman na sa ilang kwarantina.
