LEGAZPI CITY – Kapot na ngunyan kan mga otoridad an lalaking pigkokonsiderar na Rank No. 1 Municipal Most Wanted Person kan Tiwi, Albay na kinakahampang na kasong panlulugos.
An 45 anyos na lalaking akusado na residente kan Brgy. Gajo kan nasambit na banwaan, naarestar sa paagi kan ikinondusir na manhunt operation kan operatiba kan Albay PNP.
Susog sa report kan mga otoridad, naarestar ini kan pinagsarong esfuerso kan Tiwi, MPS, PIU Albay asin Albay 2nd PMFC sa kusog kan mandahamiento de aresto para sa nasambit na kaso.
Wara man ki inerekomendar na piyansa an korte para sa saiyang temporamenteng libertad.
Nasa kustodiya na ini kan Tiwi MPS para sa magkakanigong disposisyon.
