Tukoy na at nasampahan na ng kaso ng Philippine National Police (PNP) ang apat na suspek sa pagpatay kay liga ng mga Barangay President at ex- officio board member Ramilito Capistrano at kanyang driver na si Shedrick Toribio.
Kinilala ng Bulacan Police Provincial Office ang mga suspek na sina Police Staff Sgt. Ulysses Hernani Castro Pascual, Cesar Mayoralgo Gallardo Jr., parehong residente ng Navotas City at kanilang mga kasabwat na sina Alias Jeff and Alias Lupin.
Ang apat ay nananatiling at-large.
Two counts ng murder ang isinampa laban sa mga suspek sa City Prosecutor’s Office ng Malolos City, Bulacan.
Patuloy naman iniimbestigahan ang motibo sa krimen.
Sa ngayon, patuloy ang paghahanap ng pulisya sa mga suspek sa pagpatay.
