Ginkilaea ni Philippine National Police (PNP) Chief General Dionardo Carlos si Patrolman Lhar Talaga, Assistant Police Community Relations it Caticlan Airport Police Station, Aviation Security Unit 6 Aklan sa anang insigida nga pagresponde ag pag-assist sa sambilog ka naga-unga nga babyae sa Afga Tangalan, Aklan ku Enero 27, 2022.
Base sa impormasyon, nagpangayo it bulig ro sambilog ka miyembro it pamilya it naga-unga nga babaye kay Patrolman Talaga rason nga nag-adto raya sa balay it nanay.
Nag-perform si Talaga it Internal Examination (IE) sa pasyente ag nasuyran nga maeapit eun raya mag-unga kasunod dikara, madasig nga nag-assist si Talaga sa nasambitan nga babaye ag gin bun-ag nana ro eapsag paagi sa normal delivery.
Matandaan nga registered nurse si Talaga ag may experience sa pagpaunga./JIL B. LACSON
