Nagpahinumdom ang Lokal nga Paggamhanan sa Maco Davao de Oro sa publiko nga dili magpailad sa gipangtanyag nga mga baratong luna o raw lots nga ginabaligya pinaagi sa social media.
Kini human pipila matud pa ang namaligya og luna sa Purok 5, Anibongan ug Purok Macopa, Pangi sa Maco, Davao de Oro nga walay approved Subdivision Dev’t. Plan ug Dev’t. Permit gkan sa LGU ug License to Sell gikan DHSUD.
Tungod niini, nagpahimangno ang LGU Maco nga dili basta-basta mupalit o mubaligya og mga luna nga walay igong papeles ug lisensya tungod nga usa kini ka pagpangiilad o scam.
Kung ugaling mupalit og mga luna, kinahanglang siguradohon ug sutaon nga adunay igong papeles ug dokumento aron masigurong legit kini.
Gawas niini, kinahanglan sab nga ipa-check ang mga dokumentos sa mga hingtungdang ahensya aron masigurong dili kini peke o wala gi-tampered sanglit daghan matud pa karon ang nanghimulos sa kalisod sa panahon. BNFM-DAVAO
