Gipasalig ni Dra. Annabelle Yumang, Regional Director sa Department of Health XI nga parehong luwas ug epektibo ang mga bakunang gigamit karon sa vaccination program sa gobyerno.
Sumala sa opisyal nga angay dili na mamilinog brand sa COVID-19 vaccine ang si kinsa man ug dawaton kung unsa ang available nga bakuna kaysa matakbuyan sa maong kagaw.
Ang pahayag sa opisyal nunot sa desisyon ni Pangulong Rodrigo Duterte nga dili ianunsyo ang brand sa bakuna nga gamiton sa mga vaccination sites sa nasud.
Sa laing bahin, gitataw ni Yumang nga wala pay mando ang kauluhan labot sa pag-mix o managlahing shots sa COVID-19 vaccine alang sa first ug second dose nga ihatag ngadto sa mga recipients.
Sa karon musubay ang ahensya sa proseso sa paggamit sa nagakadaiyang brand sa COVID-vaccine. BNFM-DAVAO
