Gipa-igmat sa Philippine Statistics Authority (PSA) ang publiko batok sa mga sites nga dswd-ayuda news.blogspot.com ug facebook.com/updatepilipinas tungod dili sila opisyal nga mga account sa gobierno.
Giklaro sa PSA nga walay programa ang gobierno nga naghatag ug financial aid gamit ang Phil ID card o national ID.
Ang duha ka nahisgutang facebook page dili
konektado sa gobierno.
Giawhag ang publiko nga dili motoo sa impormasyon nga ginapabuhagay sa maong fb page nga sumala pa makadawat ang philsys registrants ug 10K human maka kompleto sa step 2 registration.
Giklaro sa PSA nga mamahimong mo apply ang phil ID applicant ug account sa Landbank of the Phils o prepaid card apan wala kini balance, way sulod initial fund ug financial aid.
Aron dili mailad, gitambagan sa PSA ang mga registrants nga susihon ang Philsys updates gikan sa ilang official website nga philsys.gov.ph ug Facebook account nga PSAPhilSysOfficial.
Gipahinumduman usab ang registrants nga dili ihatag ang ilang personal philsys information ngadto sa unknown websites.
Alang sa mga pangutana, mamahimong magpadala ug mensahe pinaagi sa [email protected] o tawag sa PhilSys hotline 1388.
