Kasong administratibo ug ikonsiderang AWOL ang mga dili bakunadong sakop sa Police Regional Office XI nga dili pasudlon sa trabaho.
Kini nunot sa gikatakdang pagpatuman sa PRO 11 sa No Vaccination – No Duty policy sa tanang personahe sa Davao Region.
Sumala kang PRO 11 spokesperson Majj Eudisan Gultiano atol media breifing sa AFP-PNP Press Corps Southern Mindanao, ginahulat pa karon sa ilang hut-ong ang guidelines gikan sa PNP National Headquarters ilabi na sa mga pulis nga dili magpabakuna.
Gihingusgan sa opisyal nga dili na tugutang makasulod sa trabaho ang mga unvaccinated nga sakop nga ikonsiderang AWOL ug makasuhan tungod niini.
Nasayrang sa karon anaa pa sa 68 ka personahe sa PRO-XI ang wala pa nabaknahan samtang moabot na sa 9571 ang bakunado, busa padayon ang pag-awhag sa ilang mga sakop nga magpabakuna na.
