BICOL –LIWAT na tinawan duon ngunyan kan Philippine Statistic Authority o PSA-Bicol na libre an pagpaparehistro para sa Philippine Identification System (Philsys) o National ID.
Base kaya sa public advisory kan PSA, padagos soboot sindang nakakaresibi nin mga report katakod kan kaugnay mga indibidwal asin grupo na nag oofresicr asin nangongolekta nin kwarta gamit an social media kabale an pag book nin online appointment para makapag parehistro sa Philsys.
Pagtataong duon kan PSA-Bicol, an pagpaparehistro sa philsys iyo an libre o mayong bayad gikan sa online registration o Step 1 Registration; personal appearance para sa biometrics capture o Step 2 Registation hasta sa Step 3 o delivery kan philippine identification card.
Solamenteng mga PSA-PhilSys employees san an pigtutugutan na mag proseso nin anuman na official transactions na may kinaaraman sa pagpaparehistro hasta sa pag release nin ID card.
Katakod kaini padagos an pag ingganyar an publiko na maging maingat asin maging vigilante sa siring na klase nin scams asin tulos na mag-report sa saindang oficina o mag apod sa PSA hotline number kun engkaso maging biktima nin kaparehong modus.
Mantang bukas man an online registration sa nagkapirang mga piling mga lugar sa nacion gamit an register.philsys.gov.ph mantang pwede man na i-access an saindang official website asin facebook page para sa mga dugang na impormasyon asin mga updates.
