Kumpiyansa si Pangulong Rodrigo Duterte na muling magtatagumpay ang ikalawang Bayanihan, Bakunahan campaign.
Ginawa ng pangulo ang pahayag kasabay ng paglalahad na nasa 10.2-million doses ng bakuna ang naiturok sa unang bugso ng massive vaccination drive noong nakaraang linggo.
Sinabi ni Pangulong Duterte na malaking tagumpay ang naturang bilang para sa laban ng bansa kontra COVID-19.
Pinasalamatan naman ng Punong ehekutibo ang doktor, volunteers at lahat ng nakiisa sa naturang aktibidad.
Ayon sa Pangulong muling magsasagawa ng Bayanihan, Bakunahan program at itinakda ito sa December 15 hangang December 17.
