Nagapanawagan ang Office of the Provincial Environment and Natural Resources Officer (OPENRO) Antique sa publiko nga magbulig sa pagprotekta kang Dulungan ukon Rufous-headed hornbill (Rhabdotorrhinus waldeni) kag Visayan Tarictic Hornbill (Penelopides panini).
Ginpahayag ni OPENRO Chief Vivian Marfil nga kapin sa 62 ka Dulungan kag 52 ka Tarictic ang naisip sa 10 ka banwa kang Agosto sa diin ginakunsidera man ang Dulungan bilang provincial bird bangud mas maduro ka dya ang numero sa Antique kun ikumpara sa iban nga bahin kang isla kang Panay.
Suno sa kay Marfil, magapatigayon man sanda kang information and education campaign sa Barangay Tigbalua, Sibalom agud magtugro igtalupangun sa importansya kag pagkilala kang mga hornbills, matapos mag guwa ang balita nga may gintirador-patay nga Dulungan sa amo nga barangay apisar bag-o lang natapos ang pagsaulog kang Dulungan Month.
Ma man-an nga gindeklara kang Department of Environmental and Natural Resources kang 2019 ang Visayan Tarictic kag Writhed Hornbills bilang critically endangered.
