Balik operasyon na ang mga bus na byaheng pa-probinsya sa Parañaque Integrated Terminal Exchange (PITX), matapos ang pagkansela dulot ng Bagyong Enteng at habagat.
Ito ay matapos suspendihin ang umabot sa labin tatlong biyahe na patungo sana Northern at Southern Mindanao, Eastern Visayas, Mindoro at Bicol.
Ayon sa PITX, ang biyaheng pa Cagayan De Oro, Davao City, Maasin City, at Dinagat Islands ay may schedule ngayong araw.
Samantala, wala na ring naitala ngayon na stranded na pasehero at tuloy-tuloy na ang operasyon ng mga bus sa naturang terminal.
