Maswerte ru probinsya’t Aklan bilang sambilog sa mga recipients it Bagong Pilipinas Mobile Clinics sa bilog nga Western Visayas.
Personal nga binaton ni Aklan Governor Joen Miralfores ru nasambit nga mobile halin sa Department Of Health (DOH) sa gin himo nga Turnover Ceremony kadungan it ika- 455th Founding Anniversary it Cebu Provincial Capitol ku Agosto 5.
Gin atenderan ni First Lady Marie Louise Araneta-Marcos ag iba pang mga national officials ru nasambit nga selebrasyon.
Ru Mobile Clinic hay mabaoe nga bulig partikular ru serbisyong gina hatud nga primary healthcare at health services para sa publiko nga indi makasarang sa pagpabueong bangud sa kapobrehan.//MARIVIC Y. ILIN
