Subling gipailawom ang Probinsya sa Agusan del Sur sa Modified Enhanced Community Quarantine (MECQ) sugod adtong Agosto 27 hangtod sa Septembre 10, 2021 kini human nga nagpatawag ug usa ka Virtual Meeting ang amahan sa Probinsya pinaagi ni Governor Santiago Cane Jr. sa tanang meyembro sa Provincial Inter-Agency Task Force (PIATF) ning milabayng adlaw diin gihisgutan ang sitwasyon sa COVID-19 cases sa probinsya.
Sumala sa taho gikan sa Provincial Health Office, mikabat na sa 5,973 ang total Confirmed cases ug 163 Deaths sa COVID-19 dinhi sa Agusan del Sur ug wala nay saktong lugar tungod sa nagka daghan ug nanga puno nga mga hospitals sa mga pasyente nga nag positibo sa makamatyng balatian.
Tungod niini, nagmando ang PIATF nga ipailawom ang probinsya ubos sa Modified Enhanced Community Quarantine (MECQ) aron malikayan ang posibleng pagkatap sa Covid-19 sa nagkadaiyang lungsod nga sakop sa Probinsya.
