Wala gikabalaka sa labaw sa Police Regional Office XI ang ginalaraw karon nga pagpahigayon og imbestigasyon saInternational Criminal Court kon ICC kalabot sa gikaingong summary killings sa Davao City.
Apan kung itugot man galing ni Pangulong Rodrigo Duterte ang lakang sa ICC, tumanon matud pa kini sa PRO-XI sumala kang Police Brigadier General Filmore Escobal.
Gibarugan sa opisyal nga padayong nagalihok ang justice system sa nasud ug kanunay nagabuhat sa ilang tahas ang kapulisan subay kung unsa ang mekanismo nga ginasunod sa organisasyon.
Gitataw sa opisyal nga ubay-ubay na ka mga sakop sa rehiyon ang gipang taktak sa serbisyo ug gipangsilotan tungod sa mga nahimong kahiwian nga resulta sa paghatag og hustong hustisya.
Nagtuo si Escobal nga posibleng politically motivated ang lakang karon sa ICC ug naimpluwensyahan sa mga grupo nga buot dauton ang administrasyong Duterte.
Kahibaluang una nang gipamahayag sa Pangulo nga niya hatagan og panahon ang plano sa ICC inay mas pilion niini nga mamatay nungka nga mopailawum sa imbistigasyon ug pagtaral sa ICC.BNFM-DAVAO
