Usa lamang ka eskwelahan kada barangay dinhi sa Davao City ang posibleng tugutan sa lokal nga panggamhanan alang sa pagpahigayon og face-to-face classes.
Sumala kang Mayor Inday Sara Duterte-Carpio, nga magbase sa Risk Assessment sa usa ka barangay ang pagtugot nga ihatag sa usa eskwelahan base usab sa nasabutan sa Davao City Anti Covid-19 Task Force.
Dugtong sa opisal nga usa lang sa matag 182 ka mga barangay sa syudad City ang tugutan apan sa pagkakaron wala pay natumbok kung unsa nga mga eskwelahan sanglit maghulat pa sab sa guidelines nga ipagawas sa Department of Health.
Kahibaluang hingpit nga giaprubahan ni Pangulong Duterte ang pagpahigayon og Pilot Face to Face Classes duha ka bulan gikan karon.
Matud ni DepEd Secretary Leonor Briones nga anaa sa 100 ka mga eskwelahan ang napili arun nga himuong pilot area nga gisigurong pasado sa safety assessment sa kagawaran base sa face to face classes guidelines ug kinahanglan aprubado usab sa local government unit ug dunay consent gikan sa mga ginikanan.
Nasayrang sa limited face to face classes, anaa lamag sa 12 ka bata ang tugutan sa kindergarten; 16 ka estudyante sa Grade 1 hangtud Grade 3 satang 20 usab lang sa mga technical o vocational learners. BNFM-DAVAO
