Gikansela na sa Department of Environment and Natural Resources (DENR) -XI ang gipalugwa niining permit to cut trees nga nagsilbing nesting area sa critically-endangered Philippine Eagle sa Mounts Makabol-Alikoson Conservation Area (MMACA) ug bukirong bahin sa Marilog District.
Apan hugtanong giklaro ni DENR-XI RED Bagani Fidel Evasco nga dunay legal nga basehan ang giisyu nga Private Land Timber Permit base sa Presidential Decree 705. Misubay matud pa existing laws sa DENR ang permit nga gihatag ngadto sa usa ka Ling-Ling Wu Lee sa milabayng Agosto karong tuiga luyo nga una na kining gibalibaran sa Watershed Management Council sa milabayng January 28, 2021.
Tungod niini, iya nang gimando sa imaging adlaw ang pagkansela sa permit ug giangkon niya nga wala sila masayod sa “metes and bounds” sa conservation area.
Magdepende usab matud pa sa desisyon sa tanang stakeholders kung hingpit bawion ang permit nga naisyu
Aminado ang opisyal nga wala pa niya nakahimamat ang mga environmental groups ug ubang stakeholders aron hisgutan ang isyu nga nisangko pa sa paglusad og online campaign aron i-petisyon ang pagkansela ang planong pagpamutol sa mga “ancient nesting site” sa critically endangered Philippine eagle.
Usa sa mga grupo nga nibabag ang Philippine Eagle Foundation kung diin gibutyag ni Jayson Ibañez, director sa Conservation and Research sa PEF nag moabot na sa 12 ka agila ang napusa Mounts Makabol-Alikoson Conservation Area nga usa ka gatos metros lang ang gilay-on gikan sa cutting area.
Nasayran usab nga ang cutting area nahisulod sa environmentally critical area ug protektado sa Watershed Code sa local government sa Davao kung asa hugot gidili ang pagpamutol og mga kahoy.
