Ginpangunahan it Police Regional Office 6 sa pagpanguna ni Regional Director PBGEN SIDNEY N VILLAFLOR ro assessment ag evaluation sa pagpatigayun it Simulation Exercises it Malay PNP ag iba pang PNP unit para mas maimprobar ro andang ikasarang ag abilidad sa mga kritikal nga insidente, pag atake it terorista ag iba pang emerhensiya sa isla it Boracay.
Ginpatigayun ro SIMEX ku September 1 – 2, 2023.
Ro mga senaryo sa nasambit nga aktibidad hay ginaeakipan it Terrorist Attack/Vessel Interdiction, Drowning Incident/Water Rescue, Checkpoint, Hostage Taking/Hostage Negotiation/Tactical Assault, and Unattended Luggage/Blast in Place of Improvised Explosive Device (IED).
Ro Simulation Exercises ngara hay bilang pagpahaum sa pagdagsa it mga turista ag nagahilapit nga aktibidad nga igapatigayun sa Isla bangud raya hay ginakabig nga sambilog sa mga nagapangunang destinasyon it turista sa kalibutan.
Suno kay PBGEN VILLAFLOR, tinutuyo it SIMEX nga magbulig sa pag-ayos it mga patakaran ag protocol nga pagagamiton it mga otoridad sa andang pagsabat sa mga insidente sa isla it Boracay. // ANN DESLENE SALAZAR
