Ginakabig it Police Regional Office (PRO-6) nga sangka mabahoe nga acomplishment ro madinaeag-on nga operasyon it Regional Police Drug Enforcement Unit (RPDEU) kung siin nakakumpiska it kapin sa P1.1 million pesos nga balor it illegal nga droga sa sueod eamang it sang adlaw.
Base sa PRO-6, waeong suspek ro naaresto sa magkaseparar nga pagkasa it one time big time drug buy bust operations.
Nasayuran nga 26 sachets it suspected shabu nga may balor nga P374, 000 ro nadakpan sa an-um nga suspek sa Arevalo, Iloilo City samtang sa Bacolod City, daywa ka High Value Individuals ro nadakpan ag nakumpiskahan it 110 grams nga suspected shabu nga nagabalor it P748,000.
Magapangatubang man sa kasong pag eabag sa Republic Act 9165 o The Comprehensive Dangerous Drugs Act of 2002 ro mga naaresto. / ANN DESLENE SALAZAR
Photo credit: PRO6 Public Information Office
