Nagpadayon karon ang pagpailawum sa contact tracing training ang pipila ka pribadong sektor aron mas paspas ang pagpangita sa mga posibleng natakdan sa virus.
Sumala kay Dr. Michelle Schlosser, tigpamaba sa Davao City Covid-19 Task Force, nakig-alayon ang lokal nga panggamhanan sa private sectors aron pakusgan ang contact-tracing efforts gikan sa F1 o first-generation contact sa confirmed positive cases hangtud sa F2 ug F3.
Mas epektibo matud pa ang pagpahigayon sa contact tracing kung pamilyar sa mga nahisgutan ang mga nakahalubilong indibidwal.
TUngod usab niini, posibleng malikayan ang pagpatuman og lockdown sa mga establisyemento sanglit dali nalang unya ma-isolate ang mga indibidwal nga dunay close contact sa nagpositibong pasyente.
Pipila sa gipailawum sa pagbansay mao ang mga bangko ug business process outsourcing (BPO) companies nga misupurta usab sa aksyon sa City LGU. BNFM-DAVAO
