NAGAPASALAMAT ang usa ka principal sa sugyot sa ilang labaw sa DepEd Gensan ngadto sa LGU nga idiretso na sa account sa mga magtutudlo ang ilang cash incentives.
Sa pahayag sa usa ka principal, maayo kayo ang ideya sa ilang labaw nga nahinabi sa Brigada nga ipaagi sa ilang account ang pag-release sa ilang insentibo aron dili na sila magpila sa City hall lobby.
Sumala niini nga maka-ubos sa moral sa mga magtutudlo ang ilang madungog sa palibot sa City hall samtang nagapila nga modawat sila sa 4Ps alang sa mga teachers.
Gidugang niini nga mas maayo kon hilum lang ang paghatag kaysa tingob nga moadto ang libo libo ka magtutudlo unya magpila unya daghan ang proseso.
Ang laing sugyot usab niini nga dapat magkasibo sa kwentada ang taga Barangay ug ang LGU Gensan sa buhis nga ilang ginabayran kay siya mismo biktima kay sa paghatag niya sa teller lahi ang computation sa barangay ug sa city hall, kaduha siya gikwentahan kay dili sibo ang computation bisan kon sakto ang iyang deklarasyon sa income.
Samtang sa bahin sa City Treasurers Office sumala kay Assistant Department Head Zenaida Etuma nga ilaha nga gihatagan og higayon ang wala pa nakakuha sa ilang incentive samtang ilaha na usab ginakonsidera ang sugyot sa labaw sa DepEd. I Ver Diazon
