NAKAHINABI na sa Brigada ang usa ka taas nga opisyal sa transportasyon sa Gensan nga na biktima sa pagpamusil sa wala pa mailhi nga armado kaniadtong Marso 13 sa buntag atubangan sa ilang panimalay sa Purok 1, Barangay Buayan.
Sa pahayag ni Rajah Buayan Transport Cooperative Chairman Larry Villegas nga nagapasalamat siya sa Ginoo nga dako pa siya nga buhi karong panahuna samtang nagapaalim sa iyang samad pinusilan sa tuo nga paa duol sa hita.
Sa iyang pagsaysay naa siya sa gawas sa ilang balay atbang sa ilang tindahan duol sa freezer sa dihang siya nagapanilhig may motorsiklo nga nihunong upat ka metros ang distansya abi niya og nahutdan sa gasolina mao nga wala lang niya gitagad.
Apan pipila ka gutlo ang milabay nakadungog nalang siya og mga tulo ka buto ug naigo ang iyang paa kay nakatakilid, maayo nalang kay nakadagan pa siya pasulod sa ilang gate.
Ang iyang description sa gunman naka hodie jacket og wala usab siya nakaila niini.
Gipaklaro usab niini nga niadtong semanaha wala usab siya nakadawat og personal nga hulga, gabei sa adlaw nga Sabado wala daw meeting nga nahitabo, gikan daw siya sa pag follow-up sa ayuda sa mga driver unya nihapit sa lagao bag-o niuli sa gabei.
Kalabot sa motibo sa kremin dili usab siya makasulti o mamasangil nga wala siyay ebidensya, wala usab daw kini masulti sa sector sa transportasyon kay mas grabe pa daw ang ilang ginahimo sa una nga sigi sila og rally.
Samtang sa gunman nanghinaut siya nga makonsensya kini ug dili na usbon ang mao nga kremin, kay ang iyang trabaho naa sa transportasyon kon aduna man problema ingnon lang siya ug andam kini nga makig-estorya.
Sa paghinabi sa Brigada kay Villegas anaa pa kini sa usa ka pribadong tambalanan, gina-monitor daw kanunay ang iyang blood pressure samtang nakita na usab niini ang resulta sa pag scan sa iyang samad ug pasamalat ang doctor nga wala naigo ang dakung ugat niini sa paa.
Nagpabalhin usab siya sa laing tambalanan gikan sa Dr. Jorge P. Royeca Hospital kay mas kompleto og kagamitan ang pribadong tambalanan.
Nakatawag na usab daw ang kapulisan kaniya ug nakahatag na sa iyang pasiunang pahayag.
Kahibaluan nga human kini gipusil nakakuha ang Lagao PNP og duha ka basiyo 9mm sa crimescene ug gi-submit sa crimelab 12 alang sa examination. I Ver Diazon
