Nag-abiso ang Department of Agriculture na maaring magkaroon ng pagtaas sa presyo ng ilang farm products, matapos salantahin ng Bagyong Karding ang ilang agricultural regions.
Partikular na tinukoy ng DA ang produktong palay at gulay, sapagkat ito’y matinding tinamaan sa Central Luzon.
Ayon kay DA Senior Undersecretary Domingo Panganiban, nasa 15% hanggang 20% ang maaring itaas na presyo sa palengke.
Maliban sa Central Luzon, napaulat din ng DA ang agricultural damage sa Cordillera Administrative Region, Ilocos Region, Cagayan Valley, Calabarzon, Bicol Region at Western Visayas.
