Ginserbehan sang warrant of arrest sang mga kapulisan ang isa ka preso sa BJMP Barangay San Jose, Roxas City sa kaso nga Qualified Theft.
Ginkilala ang akusado kay Christian Jude Zaldivar Rosali alyas Tan-tan, 26-anyos, residente sang Brgy. Tiza, sining syudad.
Ang warrant of arrest ang gin-isyu kag ginpermahan ni Hon. Lorencito B. Diaz, Presiding Judge sang Regional Trial Court, 6th Judicial Region, Branch 17, Roxas City napetsahan Mayo 30, 2023.
Ginrekomendar sang korte ang P24,000 nga piyansa para sa temporary nga kahilwayan sang akusado.
Nahibaluan ang nasambit nga akusado ang naka-detained sa BJMP matapos nadakpan sa kaso nga paglapas sa RA 10591 ukon Comprehensive Firearms and Ammunition Regulation Act sadtong Enero 27, 2023. | Judy Ann Juare
