Arestado ang isa ka lalaki nga naka-admit sa hospital matapos ginserbehan sang warrant of arrest sang mga kapulisan sa Roxas Memorial Provincial Hospital, Arnaldo Blvd., Brgy. Inzo, Roxas City.
Ginkilala ang naaresto kay Arvin Dapugo Ong alyas Nonoy, 37-anyos, residente sang Loctugan Hills, Brgy. Lanot sining syudad.
Nagapangatubang sang kaso nga Qualified Theft si Ong.
Ang warrant of arrest ang gin-isyu kag ginpermahan ni Hon. Lorencito B. Diaz, Presiding Judge sang Regional Trial Court, 6th Judicial Region, Branch 17, Roxas City napetsahan Mayo 30, 2023.
Ginrekomendar sang korte ang P24,000 nga piyansa para sa temporary nga kahilwayan sang akusado.
Sa karon, nagapabilin pa sa ospital ang biktima matapos nabun-an sadtong Mayo 16, 2023. | Judy Ann Juare
