Magapatigayun hin-aga, June 14, 2022 ro Philippine Red Cross Aklan chapter it blood donation activity.
Magaumpisa raya it alas 8:30 it agahun hasta alas 2 it hapon nga igapatigayun sa PRC Aklan chapter Kalibo, Aklan.
Ro World Blood Donor’s hay ginahiwat kada Hunyo 14 kada dag-on ag Blood Donor’s Month kada Hulyo.
Makarung 2022, ro slogan hay “Donating blood is an act of solidarity. Join the effort and save lives.”
Gina-engganyo man ro mga blood donors nga mag-donate ag suportahan ro nasambit nga aktibidad nga mabahoe nga bulig sa pagsalbar it kabuhi. / ANN DESLENE SALAZAR
