TANGGONG na karon sa selda sa Lagao Police Station ang usa ka gikonsidera sa kapulisan nga most wanted person sa presinto.
Giila ni Police Major Ivan Charles Abastillas, hepe sa Lagao Police Station ang nadakpan nga si Jonathan Tome Serag. Matud ni Abastillas, gikasa nila alas-1:24 sa hapon Lunes ang operasyon batok kang Serag. Bitbit nila ang warrant of arrest sa kasong New Anti-carnapping act of 2016.
Nasikop nila si Serag sa MC Block 6, Barangay Fatima, GenSan kauban ang ubang sakop sa kapulisan. Naa usab sa P300,000 ang pyansa nga girekomenda sa korte alang sa temporaryong kagawasan ni Serag gikan sa presohan.
Gisuta pa karon sa mga pulis kung asa nanukad ang kaso nga gipasaka batok sa dinakpan. Gisiguro usab ni Abastillas nga wala nasupak sa mga sakop ang tawhanong katungod sa dinakpan atol sa operasyon. I Richel Gubalani
