NANGATUMBA ang mga kahoy, nangalupad ang atup ug nadat-ugan ang duha ka balay og mga dakong punuan sa kahoy atol sa pag igo sa buhawi sa pipila ka mga lugar sa Polomolok, South Cotabato.
Base sa impormasyon gikan sa Municipal Disaster Risk Reduction Management Office padayon pa ang gihimong clearing operation ug ilang assessment og pagsuta sa damyos.
Ang mga balay nga natumbahan nag gikan sa Barangay Polo ug Barangay Poblacion. Si Ana Villa usa sa mga residenteng natumabahan og dakong kahoy sa marang ang panimalay sa Purok 3, Barangay Polo sa maong munisipyo.
Gikumpirma usab sa MDRRMO nga human sa makusog nga ulan ug pag haguros sa tubig baha, may nakitang patayng lawas sa usa ka lalaki sa mismong sapa nahimutang sa Barangay Lapu Polomolok ug gituohang naanod.
Sumala pa nga sa inisyal nga impormasyon giila kining si Toto Dela Peña nga residente sa T’boli, South Cotabato.
Samtang gipaniguro man usab sa lokal nga panggamhanan sa Polomolok ug MDRRMO nga gilayong nahatagan og foodpacks ang mga residenteng naapektohan sa pag igo sa buhawi. I MJ Fernandez
