Arestado ang isa ka lalaki matapos ginserbihan sang warrant of arrest sa kaso nga Murder sa Barangay Dinginan, Roxas City.
Ginkilala ang naaresto kay Eddie Billiones, residente sang nasambit nga lugar.
Ang warrant of arrest batuk kay Billones ang ginpapanaog kag napirmahan ni Judge German Maicampo sang Regional Trial Court, 12th Judicial Region, Branch 19, Isulan, Sultan Kudarat, napetsahan Setyembre 14, 2004.
Wala sang may ginrekomendar nga piyansa ang korte para sa temporaryo nga kahilwayan sang nasambit nga akusado. Sa karon, yara na sa kustodiya sang Roxas City PNP ang suspek para sa nagakaigo nga disposisyon. | Judy Ann Juare
