Ginpasiguro ni Malay Chief of Police PLTCOL Don Dicksie L De Dios nga sa tanan nga oras hay may una nga pulis sa banwa it Malay ag bilog nga isla it Boracay.
Raya hay bangud ginapasiguro segun it anang pamunuan nga salbar ro isla ag mabatyagan it mga turista nga salbar sanda sa tanan nga oras.
Sa interview kay PLTCOL De Dios, bisan anong oras hay visible ro andang kapulisan ag padayun ro andang monitoring sa tanan nga personnel pinaagi it google location services gamit ro mobile phone, kung siin, makita ro mga raya sa operation center kung siin sanda kaeakip eon ro timeline it tour of duty nanda kung siin sanda nag agto.
Sa pihak nga parte, ginklaro man ni Col. De Dios nga owa it Malay PNP personnel ro naga-tiktok ag naga-vlog, base sa mandu ni Police Regional Office VI Director Police Brigadier General Sidney Villaflor sa mga pulis sa Western Visayas nga bawae ro paggamit it Tiktok ag pag-vlog samtang naka-duty. // ANN DESLENE SALAZAR
