Diretsahan nga ginhambae ni Malay Chief of Police PLTCOL Don Dicksie L De Dios nga owa haeos it nailistang street crimes sa isla it Boracay.
May una segun nga ginakabig nga minimal incidents pero nagakatabo eang raya sa mga pribadong establisyemento.
Samtang, padayun segun ro pag follow-up ni De Dios sa Aklan Provincial Prosecutors Office kaangot sa andang request na E-inquest o Electronic Inquest.
Raya hay bangud kaabuan sa mga biktima hay turista ngani ro problema it imbestigador hay ro pag follow-up it kaso.
Suno pa kay PLTCOL De Dios, bisan nga maresolba nanda ro kaso, indi sanda makapasaka it kaso bangud owa eon ro turistang complainant bangud nakahalin eon ro mga raya sa isla.
Mas malisdan man segun ag magastusan ro complainant nga turista kung mag extend pa sanda sa isla para eang magpasaka it kaso ngani mas mayad segun ro makaangkon it E-inquest. // ANN DESLENE SALAZAR
