Napunggan it tropa it 82nd Infantry (Bantay Laya) Battalion, 3rd Infantry (Spearhead) Division, Philippine Army ro planong pagpangikil ag pag-atake it CPP-NPA sa Sitio Barangbang, Brgy. Cabatangan, Lambunao, Iloilo ku Hunyo 28.
Insigida nga ginreport it mga pumueuyo sa tropa it gobyerno ro presensya it mga armadong grupo sa lugar.
Rumesponde man sa lugar ro tropa it 82IB ag nag euntad ro engkwentru nga nagbuhay it limang minuto sa tunga it tropa it gobyerno ag sa masobra waeong miyembro it Central Front, Komiteng-Rehiyon Panay.
Umatras ro mga rebeldeng NPA paagto sa southern direction ag naaywan it mga raya ro andang mga personal nga gamit ag mga NPA war material sa gintabuan it engkwentro.
Base sa inisyal nga report, owa it naninahan sa parte it tropa it mga militar samtang posibleng may mga naninahan nga NPA bangud sa mga nakitang dugo sa lugar nga gin-agyan nanda sa andang pagpaeagyo. / ANN DESLENE SALAZAR
