Arestado ro sangka taxi driver sa ginkasa nga buy-bust operation it Iloilo City Police Station 3 Drug Enforcement Team sa Barangay Balabago, Jaro, Iloilo City.
Ginkilaea ro suspek nga si Felix Enore y Las, alias “Utak”, 43yo ag residente it Brgy.Cato-ogan, Pototan, Iloilo.
Naaresto ro suspek matapos magbaligya sa sangka police posuer-buyer it sangka sachet it suspected shabu nga nagabalor it P1,100.
Dugang pa kara nga nakumpiska sa suspek ro 6 nga plastic sachet it suspected shabu nga may timbang nga 31.4 gramo ag nagabalor it P213,520.00, sangka unit it cellphone, sangka wallet nga may cash nga P700.00 kaibahan ro iba pang mga dokumento ag sangka unit it saeakyan nga Toyota Avanza.
Nagapangatubang makarun ro suspek sa pag eabag sa RA 9165 o Comprehensive Dangerous Drugs Act of 2002. / ANN DESLENE SALAZAR
