NAGPROTESTA ang pipila ka mga driver atbang sa Legislative Building buntag sa Enero 31 samtang ang konseho nagahimo sa ilang regular session.
Nakuratan ang mga gwardya sa entrance sa Sangguniang Panlungsod sa dihang may mga tawo nga naglinya sa atbang unya may dala nga mga karatola.
Mabasa sa mga karatola ang mga pulong “wala kay respeto sa imong mga kauban nga kagawad nga abogado,ni ingon paka nga nag apil –apil si Atty Yumang ug Atty Kan nga walay nahibal-an sa transport, gisulti nemu sa presscon sa mga driver.”
Ang laing mabasa sa karatola Lagare “I rilis ang Franchise ug ngano nga imong ginapilit ang Tricycle mag Cooperative ngano man negosyo? Ug Lagare maulaw ka resign na sa pagka Chairman sa transport.”
Gipangunahan ni Atty Emmanuel Fontanilla ang grupo,gipasulod usab sa Seargent at Arms nga si Welly Ramos sa pagtugot sa sakop sa Besi Mayor.
Sumala sa usa ka operator nga si Cesar Olaseman nagka problema siya kay dili ma renew ang iyang 10 ka tricycle naka pangalan kini kaniya ug sa iyang asawa 2005 pa daw sila nagsugod.
Sumala usab kay Alex Conception nga franchise holder gikan sa Barangay Apopong ang iyang hangyo nga i release ang franchise kay daku nga problema kon ma aksidente nga wala ma renew ,apil sa iyang gina reklamo ang mga colurom gikan sa gawas.
Sa bahin ni Konsehal Lagare iyaha lang kataw-an ang style ni Atty. Fontanilla nga mang gulat nasanay nadaw siya sa iyang panyero ug wala kini nakapalisang kaniya.
Ginapahibalo ni Lagare sa mga driver nga adunay pagdungog sa sugyot sa regulasyon sa prankisa sa pebrero ug iyaha gina imbetahan ang tanan aron masayod sa katikaran sa policy sa franchise. I Ver Diazon
