Nakiusap ang Pilipinas sa mga mayayaman na bansa sa ginanap na UN General Assembly na tigilan na ang COVID-19 vaccine hoarding sa gitna ng paglaganap ng bagong variants.
Sinabi ni Pangulong Rodrigo Duterte na habang nagho-hoard ng life-saving vaccines ang mga mayayaman na bansa, ay meron mga mahihirap na bansa ang naghihintay sa tira-tira.
Iginiit ng Punong Ehekutibo na nagpaplano na ng booster shots ang iba, habang nagtitiis ang mga developing countries sa mga half-doses para lamang makaraos.
Ayon sa Pangulo, hindi ito kapani-paniwala, at bagay ito na dapat kondenahin.
Ipinunto ng Pangulo na hindi maju-justify rationally o morally ang pagka-ganid.
