Plano ng gobyerno na mabigyan ng booster shots ang karamihan ng 1.6-million na vaccinated health workers sa bansa pagdating ng katapusan ng Nobyembre.
Sinabi ni vaccine czar Secretary Carlito Galvez Jr. na nais lamang ng gobyerno na maging handa ang healthcare system ng bansa sakaling magkaroon ng panibagong surge ng infections sa bansa..
Iginiit ni Galvez na kailangan nang matapos sa lalong madaling panahon ang pagbibigay ng booster shots.
Ipinunto niya na sumisipa na muli ang mga kaso sa Europa.
Mababatid na sinimulan na ng bansa ang inokulasyon ng fully vaccinated health workers gamit ang booster shots matapos ilabas ng National Vaccination Operations Center (NVOC) ang mga panuntunan nito para sa karagdagang bakuna.
