Nagpatigayun kaina it agahun it pilang programa ro lokal nga gobyerno sa Aklan para sa ika-125th nga anibersaryo it Nineteen Martyrs it Aklan.
Maabu ro nagtambog sa nasambit nga aktibidad kaeakip eon ro Philippine National Police (PNP), Armed Forces of the Philippines (AFP), BFP, mga lokal nga opisyal ag pamilya it 19 Martyrs.
Kada dag-on hay ginataw-an it pagkilaea ro 19 Martyrs nga nagbuhis it andang kabuhi para sa nasyun.
Matandaan nga sanda hay ginpatay ku Marso 23, 1897.
Ro Nineteen Martyrs it Aklan nga halin sa banwa it Kalibo, Malinao ag New Washington, hay ginkilaea nga sanday Roman Aguirre, Tomas Briones, Valeriano Dalida, Domingo dela Cruz, Claro Delgado, Ángelo Fernández, Benito Iban, Candido Iban, Simeon Inocencio, Isidro Jimenez, Catalino Mangat, Lamberto Mangat, Valeriano Masinda, Maximo Mationg, Simplicio Reyes, Canuto Segovia, Gavino Sucgang, Francisco Villorente, Gavino Yunsal. / ANN DESLENE SALAZAR
