Gagawin umano ng Philippine College of Criminology ang lahat ng kanilang makakaya para maimbestigahan ang pagkamatay ng isa nilang estudyante.
Si Ahldryn Leary Bravante, na graduating student na sana sa kursong B.S. Criminology ay binawian ng buhay dahil umano sa hazing.
Sa pahayag na inilabas ng PCCR, kinokondena nila ang nangyaring ito at binigyan-diin na hindi nila kailanman kinikilala ang anumang organisasyon na nagtataguyod ng karahasan sa paaralan.
Nagpaabot na rin sila ng pakikiramay sa pamilya at nakahandang magpaabot ng tulong habang nakikipagtulungan sa mga awtoridad upang mahuli ang mga suspek sa insidente.
