Ipinaalala ng Philippine Health Insurance Corporation ang publiko na meron itong inaalok na COVID-19 Home Isolation Benefit Package (CHIBP) para sa mga miyembro na asymptomatic o may mild symptoms ng COVID-19.
Sinabi ni PhilHealth spokesperson Shirley Domingo na available ang naturang package para sa lahat na magpopositibo sa COVID-19 sa pamamagitan ng RT-PCR test.
Gayunman, hindi aniya covered nito ang mga may severe at critical symptoms.
Ipinunto naman ni Domingo na ang home isolation package ay bayad sa accredited providers na mag-aalalaga sa mga pasyente habang sila’y naka-isolate.
Inihayag rin ni Domingo na para ma-avail ang package ay kinakailangan ng pasyente na magkaroon ng hiwalay na isolation room na may toilet at magandang bentilasyon.
