Magkakaroon ng hiwalay na bilateral meetings sa kanilang Japanese counterparts ang mga opisyal ng Pilipinas sa 2+2 defense foreign meeting sa Maynila sa July 8.
Ayon sa Department of National Defense, inaashang dadalo sa 2+2 Defense at Foreign Meeting sina Secretary of National Defense Gilberto Teodoro, Jr. at Secretary of Foreign Affairs Enrique Manalo sa panig ng Pilipinas, kasama sina Japanese Defense Minister KIHARA Minoru at Foreign Minister KAMIKAWA Yōko ng Japan.
Sa naturang pagpupulong, inaasahang matatalakay ang mga isyu tungkol sa bilateral, defense at security issues na nakakaapekto sa rehiyon.
Ang unang 2+2 meeting ay ginanap noong April 2022 sa Tokyo, Japan.
