Natanggap na ng Pilipinas ang kauna-unahang surface-to-air missiles na gagamitin para sa dalawang missile-capable frigates ng Philippine Navy.
Ayon kay Commander Benjo Negranza, director ng Philippine Navy naval public affairs office, ang Mistral 3 surface-to-air missiles na ilalagay sa Philippine Navy frigates BRP Jose Rizal at BRP Antonio Luna ay labis na makakatulong sa frigates sa pagsasagawa ng kanilang maritime operations.
Kinumpirma naman ni Vice Admiral Adeluis Bordado, flag officer in-command ng Philippine Navy na ito ang kauna-unahang pagkakataon na nakabili ang bansa ng naturang klase ng missiles.
Giit ni Bordado, ‘game changer’ umano ito para sa kanila, kung saan nagiging moderno at multi-capable na sila.
Sa ulat ng Asia Pacific Defense Journal, sinasabing nabili ng Philippine Navy ang missiles sa halagang 10.69 million euros o katumbas sa P625.95 million sa pamamagitan ng negotiated deal sa French missiles firm na MBDA. //MHEL PACIA-TRINIDAD
