Lumagda ang Pilipinas at South Korea ng kasunduan na $3-billion loan para sa infrastructure at “green” projects sa bansa.
Ang “Framework Arrangement Concerning Loans from the Economic Development Cooperation Fund (EDCF)” para sa taong 2022 hanggang 2026 ay nilagdaan ni Foreign Affairs Secretary Enrique Manalo at Korean Ambassador to the Philippines Kim In-chul.
Dahil sa pagkakalagda sa naturang Framework Agreement, sinabi ni Manalo na umaasa siya para sa fruitful engagements at kikilalanin ang malalim na steady, mabilis at substantial at patuloy na kontribusyon ng Korea sa socio-economic development sa Pilipinas.
Dagdag ng top diplomat, na ang naturang kasunduan ay triple mula sa 2017-2022 framework arrangement na nagpondo para sa pagpapaganda sa sustainable rural development, health services, at water management at distribution, at iba pa. //MHEL PACIA
