Bumagsak ang koponan ng Pilipinas sa IBA Women’s World Boxing Championships matapos mabigo ang huling Filipina na si Nesthy Petecio sa ikalawang round sa New Delhi, India.
Nakuha ni Omailyn Alcala ng Venezuela ang panalo sa pamamagitan ng split decision, 3-2, sa kanilang 54-57 featherweight bout para samahan ang kapwa teammates na sina Aira Villegas at Riza Pasuit sa exit door.
Agresibo si Petecio para pamunuan ang scorecards sa unang dalawang round, ngunit mas impresibong atake ang ipinakita ni Alcala sa ikatlo para makuha ang mahigpit na panalo.
Nabigo man sa laban, sinabi ni Petecio na proud pa rin siya sa kanyang sarili at sa achievements na narating niya bilang parte ng Philippine boxing team.//CA
