Nagbigay ng ‘sneak peek ang isang ranking official ng ruling PDP-Laban party ng mga posibleng senatorial bets ni Pangulong Rodrigo Duterte sa 2022 elections.
Ayon kay Eastern Samar Governor Ben Evardone, PDP-Laban vice president for the Visayas, ito ay batay lang sa personal na listahan ni Duterte, matapos ang kanyang konsultasyon sa ilang lider at personalities.
Kasama sa listahan ang ilang Cabinet members at mga opisyal ng Duterte administration na kinabibilangan nina Metropolitan Manila Development Authority Chairman Benhur Abalos, Presidential Communications Operations Office Secretary Martin Andanar, Presidential Anti-Corruption Commission Chairman Greco Belgica, Labor Secretary Silvestre Bello III, Information and Communications Technology Secretary Gregorio Honasan II, Cabinet Secretary Karlo Nograles, Chief Presidential Legal Counsel Salvador Panelo, Presidential Spokesperson Harry Roque, Transportation Secretary Arthur Tugade, at Public Works and Highways Secretary Mark Villar.
Maliban dito, ikinokonsidera rin ng pangulo si reelectionist Senate Majority Leader Miguel Zubiri, House Deputy Speaker Loren Legarda at dating Senator JV Ejercito, maging ang aktor na si Robin Padilla, Willie Revillame at Raffy Tulfo.
Paglilinaw ni Evardone, wala pang kumpirmasyon kung tatakbo talaga ang naturang mga pangalan, at ang listahan ay ipapa-finalize pa. // MHEL PACIA-TRINIDAD
