Patay ang isang pedicab driver matapos itong pagtatagain ng dalawang lalaki sa Barangay Inabuan, San Francisco, Quezon nitong Lunes, Hunyo 24.
Sa inisyal na imbestigasyon ng mga awtoridad, nagmamaneho umano noon ng pedicab pauwi sa kaniyang bahay ang biktimang si alyas “Noel”, 49-anyos, nang dumating ang mga suspek saka ito pinagtataga sa iba’t-ibang bahagi ng katawan.
Samantala, isinugod naman sa hospital ang biktima matapos ang insidente subalit idineklara rin itong dead on arrival.
Galit umano ang tinitingnang motibo sa pamamaslang sa biktima.
Sa ngayon, patuloy ang isinasagawang operasyon ng mga awtoridad upang madakip ang mga tumakas na suspek.
