Gintaw-an it pasidungog it PDEA Region 6 ro LGU Malay sa pagpamuno ni Mayor Frolibar Bautista bilang pagkilaea sa pagiging katuwang it ahensya sa pagtapna sa illegal nga droga.
Kaeakip sa gintaw-an it pagkilaea hay sanday Dr. Athena Magdamit, ag Ms. Jo-An Victoriano.
Ginkilaea ro tagsa nanda ka kontribusyon sa mga programa it Municipal Anti-Drug Abuse Council it banwang Malay.
Ginkilaea man ro Municipal Health Office sa pagpamuno ni Dr. Athena Magdamit sa padayun nga reformation program it Balay Silangan kamana man ro ambag ni Ms. Victoriano sa pagpamuno it Balay Silangan bilang Balay Silangan Administrator/Focal Person.
Ro Balay Silangan hay programa it LGU Malay nga kaparte it Barangay Drug-Clearing Program (BDCP). / ANN DESLENE SALAZAR
