KORONADAL CITY — PANSAMANTALANG isinara sa mga malalaking sasakyan ang isang tulay sa Barangay Topland, Koronadal City matapos na bahagya itong sinira ng malakas na pagbaha.
Ayon kay Punong Barangay Maria Angelica Bermil ng Barangay Topland, bawal munang dumaan sa nasabing tulay ang mga malalaking sasakyan kagaya ng dump truck, mga heavy equipment at iba pa dahil posibleng bumigay ito.
Agad naman umanong silang maglalagay ng warning device sa nasabing tulay na nag-uugnay sa nasabing barangay sa Barangay Sta. Cruz ng Tampakan.
Maaari naman itong daanan ng mga maliliit na sasakyan ngunit kailangang ng ibayong pag-iingat.
