DAKPAN ang usa katao dungan sa gikaengong pagpakusog sa operasyon sa otoridad batok iligal nga droga. Sikop sa operasyon sa Philippine Drug Enforcement Agency (Pdea) 12 sa operasyon sa San Roque, Barangay Labangal, GenSan si Ramevar Verano alyas Ramsky, 35-anyos nagpuyo sa lugar. Sa taho sa Pdea-12, napalitan og putos sa gituohang shabu si Verano gamit ang P500.00 buy bust money.
Matud ni Kath Abad, tigpamaba sa Pdea-12 magpadayon sila sa operasyon ug programa aron mabatukan ang pagkatap sa gidiling droga. Giangkon ni Abad nga luyo sa gihimong lakang dunay pipila ka indibidwal nga padayong lambigit sa illegal drug trade.
Samtang, gipakusgan na usab sa ahensiya ang pagbantay sa pantalan ug paluparan sa posibleng pag-agi sa iligal nga droga. Enero, naa na sa 64 katao ang nasikop ug nakumpiska ang P8.6 milyon kantidad sa shabu ug marijuana atol sa month-long operation in the region. I Richel Gubalani
