Kinakailangan nang dumaan sa pre-departure inspection ng Philippine Coast Guard (PCG) ang mga yate at iba pang non-common carrier.
Kasunod ito ng pagpuslit ng bansa ni dating Bamban, Tarlac Mayor Alice Guo na isinawalat na sumakay siya sa isang yate bago lumipat sa mas malaking barko patungong Malaysia.
Ayon kay PCG Commandmant Adm. Ronnie Gavan, kasalukuyan na nilang nirerepaso ang memorandum circular hinggil sa usaping ito.
Nakatakdang matapos ang revision ng patakaran sa Oktubre, habang nakikipagugnayan na rin sila ngayon sa Maritime Industry Authority.
